بإختصار اليوم العالمي للعائلة
يعتبر يوم مقدس لول
يبدأ بالفطور واللي تتجمع فيه العايله
وجبة الفطور في هاليوم بالذات تعتبر وجبة لها كيان خاص وحضور
بما انها الوجبة الغير معترف فيها بباقي ايام الاسبوع
يتوجب علينا تحضير الطقوس الملائمه لإعدادها
وطبعا تلقى حفاوه وترحيب واعتراف من قبل الجميع
الجميع يحرص على التواجد
وفي حال عدم المشاركه تلصق تهمة مرتد ويقام الحد
نوم نوم نوم و نوم نوم
وبعد نوم نوم نوم
راحة بال
واسترخاء
ننسى فيه تعب اسبوع مضني من العمل الكادح
احاول انسى الدوام ومشاكله
اتخيل نفسي ربة بيت بدون عمل شلون راح تكون حياتي؟؟
يقطع حبل افكاري سوالف وغشمرة وضحك عالي
مشاركة اليهال شقاوتهم لها نكهة حلوة
انا لازت طفله ;p
ودي اركض مسافه طوييييله
انط معاهم ونسوي حركات مينونه ونلفح بشعورنا لوووول
اوووش بس صوتكم عالي
مسج: وحشتينا ودنا نشوفج ياتمرينا او نمر ناخذج نطلع عالغدا ؟
رد عالمسج: اسفه اليوم الجمعه!! اليوم العالمي للعائلة
العلاقات الاجتماعية خارج سور البيت تقل
الزيارات والصداقات
التلفون مهمل اغلب الاوقات
ملل
ملل
ملل
الغذاء المقدس سمج
نلتف حول المائدة مثل القطاوه وهات يا زفر
بالماضي السحيق كنت من اشد الاعداء للسمج
إلا ان اصابتني اللعنه
"احترم السمك"
جملة سمعتها من شخص من الماضي ضحكت عليها كثيراً
انا (بلهجة تهكميه): شلون؟؟ شلون تحترم السمج
هو: نعم احترم السمج وله مكانه قدسية في قلبي
انا (اداري ضحكتي): اها جيد انت تستحق الاحترام ايضاً
ببساطة احببت الجملة
ومن يومها وانا احترم السمج لوووول
^_^
برامج المساء والسهره ليوم الجمعه المقدس انشاءالله في بوست قادم
7 comments:
يوم الجمعة عن جد اليوم عالمي للاسرة
وهو أحلى يوم
نوصل فيه اهلنا
نريح من ضغط الاسبوع
بالتوفيق خيتو
والله يجعل أايامش كلها خير
orange
تسلمين عزيزتي ويجعل ايامج سعاده
شكرا للزياره ^_^
يوم اليمعة نمت الساعه 9 الصبح وقعدت 11 ونص بليل
وخلص اليوم d-;
يوم اليمعة نمت الساعه 9 الصبح وقعدت 11 ونص بليل
وخلص اليوم d-;
يعقووبوو
صح النوم ;p
والله انا طول عمري يوم اليمعه اكون عند يدتي ويتيمعون خوالي والعيال ونتغدا كلنا ونسولف
والله يديم المحبه
ducati
آمين ويديم يمعتكم الحلوة ^_^
Post a Comment