Mehndi

زهق



ملل




وماعندي شي اسويه بيوم اليمعه غير مجابل الاهل




اليوم تيمعنا تغدينا مطعم كنوع من التغيير



وكالعاده انا آخر الواصلين



قبلها مريت على البيكري وخذيت جوكلت ميني كب كيكس




لما وصلت البيكري ،كان الطلب جاهز، قالي الاوردر جم قطعه؟



قلت له 25



جان يقول انا حطيت 30 لوووول

يعني مادري شلون اذونه تسمع الـ25 تسويها 30


يالله زين بعد زيادة الخير خيريين



:)

.........................................


قعدنا البنات بالصاله وانا مبطله اللاب توب


ندور اغاني نسمعها



ام سُكَره كانت تبي اغنية قديييمه تذكرها بايام الصبا لوووول


ذكرتني بطفولتي هالاغنيه ايام ما كنا نسوي اهداءات على بحرين اف ام



incase someone is curious here is the '3abraaaaaa song

click to listen ;p

makingloveoutofnothingatall-airsupply.mp3

........................................

فجأة وبدون مقدمات

@@


كشفت لهم عن سر خطييير


هذا راح يكون فستان زواجي شرايكم؟؟



وكل وحده دلت بدلوها وصار طق مطاقق على باجي الفساتين كل وحده بتحوش لها فستان لليوم الموعود




وبعدين سكرت الصفحه عشان مانبي اصابات بليغه



ومن الفساتين للتسريحات




ومن التسريحات للحنا


وعلى طاري الحنا



بما ان احنا بموسم اعراس وليالي ملاح وافراح




هاذي صور لنقوش الحنا للعروس على الطريقه الهنديه


تتميز الطريقة الهنديه بخطوطها الرفيعه

ودقتها

وتداخل اشكالها وتنوعها





Indian s6yle ;D



if im right they call it "mehndi"




for those who love hena art

ENJOY

وعقبالكم

^_^

it's CLAY DAY!

سُكّره كعادتها في كل اسبوع تشغل نفسها بشيء مميز واذا لم تجد "الشيء المميز" تبدأ بملاحقتي ولا مانع عندها ان تقف امام غرفتي وعمل هوليله حتى اخرج منها وتقعد تسولف فوق مخي عن مدرستها واسرار البيت وحتى الجيران

علي ان اذكر اولا ان الآنسة سُكّره تبلغ من العمر 6 سنوات

هي ذكية حبوبه وحنونه وبالمقابل نجرية ولسانها اطول منها

من سوالفها اليوميه مع جدتها على مائدة الطعام

- حبيبتي سُكّره روحي ناديهم للغدا

- انتي جم بنت عندج؟

( تعد بناتها+حفيداتها)
- ممم خمسة

- انزين ليش كله انا كله انا؟؟ شنو ماعندج بنات غيري؟؟

-(امي مبطله حلجها وماتدري شترد عليها)

الحوار لاقرب لكم شخصية سُكّره الأموووره

في الاسبوع الماضي وجدت سُكّره ضالتها يعني لقت الشي اللي تشغل نفسها فيه :p

جائتني تركض حاملة معها علبة

- الله شنو هذا

- clay

(ولأني خابره على ايامنا كان ايي بس بـ6 الوان وكلهم يضيقون الخلق فتشققت لما شفت الوانه)

وقبل لا تنطق وتقولي لعبي معاي فجيت العلبه وانا اقول بقلبي يابختكم يا اطفال الديجيتال يا هيك الطفوله يا بلاااا

على ايامنا شلون صاير clay خل اذكركم بالـ

قعدت اتفنن يعني مندمجه ابي اسوي شي حلو يثير اعجاب سُكّره ويعطيها انطباع اللي جدامها المرأه الخارقه

هذا اللي طلع معاي

snail :/

BUT it's cute, isn't it? ;p

في هذه الأثناء كانت سُكّره لا تقل عني اندماجاً وكأنها تقول بنشوف منو شغله احلى ابطال الديجيتال ولا عيال خماسي خماسي شخصية خمسة اجزاء علميه

- الله الضفدع حده كيوووت

(جان تخزني بنظرة كلها حقد)

- it's a BOY هذا مو ضفدع

- ok sorry little boy ها!؟

الحمدلله يوم عرفنا ذوق بنتنا وريل المستقبل شلون صاير

واخيرا صورة تجمع آخر انجازاتي ونسخة ثانية بس تايوان

مو اهيا لازم بالنهايه تقلدني ولا ماترتاح